من لايقاسم فالطعام الذيابه ،
يموت جوع ولقمته مشتهيها ،
ومن طق باب الناس ينطق بابه ،
ويذكّرونه في علومِ نسيها ،
ومن لاتفقد كل جابه وجابه ،
لاجاته الزلات يصبر عليها ،
ومن لايثمن فالمجالس جوابه ،
الطيّبه يبطي وهو يحتريها ،
واللي يضيع فالملاقا ركابه ،
يجلس ويتركها لمن يمتطيها ،
ومن لايصد القوم ماينغزى به ،
والنايفات يموت ما يعتليها ،
واللي يسولف في ظهور القرابه ،
أخير منه اللي تحني يديها ،
واللي يقيّل في بيوت الخرابه ،
لو تطرده منها يروح ويجيها ،
وإن مات وإلا عاش محدٍ درى به ،
يجهل علوم الطيب لو يدعيها ،
ومن لايهاب الناس محدٍ يهابه ،
ويرضى بها من هو لغيره رضيها ،
واللي يحسب الرزق يؤخذ نهابه ،
إليا إنهبوه القوم لايرتجيها ،
ومن لايفصّل فوق جسمه ثيابه ،
ياشين لبستها بعد يشتريها ،
والفعل يفرق والملامح تشابه ،
ولا للمواقف غير من يحتميها ،
واللي كلامه سيف صدره نصابه ،
وقدام ينطق كلمته يحتسيها ،
وكلن تسجل سيرته في كتابه ،
إما لها وإلا تسجل عليها ،
ليست هناك تعليقات:
إرسال تعليق