جذب من كال اهجرنك يشريان الحياة
ونبض كلبي اشلون اعوفنك
اشلون اتصدك العذال والشمات
ابد والله اتعمه العينين لو فديوم
اصد عنك
يحب اصباي يعمري الراح واسنيني
البقت والجاي تعال ورك على اضلوعي
وابد مالحظه امل منك
تعال وشوفني اتلكاك اطش الروح بدروبك
واصيح ابصوت احبنك
تعال وشوف من شوكي ولهفتي اعليك
بدموع الفرح صدكني اغركنك
دددددددددددددددددددددددددددددددد
لاتسمع حجي المغثوث من حبنه وكلام
الرايد ايغثنه تره الغايه بفركونه
ويشوفون الدمع بعيونه ايصب دم وايفرحون
اذا كدروا يتعبونه
ابد لاتستمع الهم عليك اشكد حجوا وياي
اشكد كالوا عليك اشكال رادوا بس يبعدونه
ابد ماصدكت بيهم ولاكدروا يغيروني
واريدك ماتصدكهم ولاريدن يغيرونه
اريد الحب بعد يكبر واريد ابكل كتاب الحب
قصه انصير كون احنه ويكتبونه
مثل قيس ومثل ليلى ومثل عبله ومثل عنتر
سالوفة عشك عذري ابمجالسهم يذكرونه
ويعيش الحب عمر ويانه ابد ميموت
لحد منموت كون احنه ويدفنونه
الشاعر صالح الجابري
ليست هناك تعليقات:
إرسال تعليق